Algengar Spurningar um Ísland

ALGENGAR SPURNINGAR UM ÍSLAND

Hvers vegna eru Recovery Partners komnir hingað?

Í fréttum hefur komið skýrlega fram að þið séuð sjóður sem leitast við að hagnast á kostnað fyrirtækja/þjóða í vanda og að þið hafið komið fyrirtækjum og ríkisstjórnum á vonarvöl með því að leitast eftir skyndigróða. Hver er skýringin?

Hyggjast Recovery Partners fjárfesta á Íslandi?

Hvað um samningaviðræður um Icesave?

Hvers vegna haldið þið því fram að AGS-pakkinn muni valda vandræðum?

Teljið þið að Íslendingar eigi að losa sig við AGS?

Í „Silfri Egils“ sagði Alex Jurshevski að Ísland væri „á rauðu svæði“. Hvað merkir það?

Hvernig geta Íslendingar losnað úr þessum vanda án lántöku?

Til hvaða ráða verða Íslendingar að grípa til að bæta skuldastýringu sína?

Hvers vegna haldið þið því fram að gengisbreyting sé varasöm og að lán í erlendum gjaldeyri hafa hættu í för með sér?

Útskýrðu á ný hvers vegna þú sagðir í „Silfri Egils“ að fjárfestar okkar væru „horfnir“?

Í hverju er áætlun Recovery Partners fólgin í samanburði við AGS-kostinn?

Hvernig munu Recovery Partners rukka fyrir þessa þjónustu?

Þeir starfsmenn Recovery Partners, sem kæmu að verkefni á Íslandi.

Hvers vegna eru Recovery Partners komnir hingað?

Þjónusta okkar er m.a. fólgin í endurskipulagningu ríkisskulda og við höfum fylgst með ástandinu á Íslandi í langan tíma og erum þess fullvissir að Íslendingar gætu haft hag af ráðleggingum okkar. Við fylgjumst með ástandi lántaka á ýmsum mörkuðum. Í Norður-Ameríku beinum við athyglinni að fyrirtækjum en utan Kanada og Bandaríkjanna beinum við athyglinni að ríkisskuldum.

Fara fremst í skjalið

ENGINN fótur er fyrir þessari staðhæfingu og við áttum okkur ekki á því af hvaða völdum þessi gagnrýni er sprottin. Raunin er sú að þessi ósanna og meiðandi gagnrýni hefur neytt okkur til að tjá okkur opinberlega um hvaða hlutverki við getum gegnt hér og hvaða áhætta felst í þessu ástandi. Við hefðum miklu heldur kosið að starfa í meiri kyrrþey.

Þessar sögusagnir eru (1) alger uppspuni þar eð engar staðreyndir eru settar fram til að styðja þessa niðrandi staðhæfingu sem við erum sannfærðir um að er algerlega óviljandi; (2) alger ókunnugleiki, sem við erum vissir um að er alveg óviljandi, á viðskiptaháttum okkar; og (3) rangtúlkun, sem við teljum vera óviljandi, á blaðagreinum og viðtölum sem við höfum veitt að undanförnu. Við töldum þegar á árunum 2006 og 2007, að markaðir mundu falla sökum þess að margir bankar og fjárfestar veittu lán af gáleysi og án tillits til áhættu. Er nú ætlunin að gagnrýna okkur fyrir að vara við áföllum þegar síðan kemur á daginn að við höfðum rétt fyrir okkur? Sjá fyrri athugasemdir á bloggi okkar http://www.recoverypartners.biz/blog/

Við erum mjög eftirsóttir til alls kyns fréttaviðtala og veitum þau oft. Í fyrri frásögnum vorum við spurðir um skoðun okkar á stöðu markaða. (Sem dæmi um eftirspurn eftir skoðunum okkar hafði kanadískur fréttamaður samband við Alex Jurshevski með því að hringja til hans á hótelherbergi hans í Reykjavík og leitaði eftir skoðun hans á skuldabréfamarkaðnum http://www.financialpost.com/m/story.html?id=2676695&s=Money (Skuldabréf við það að springa, Financial Post, 14. mars. Er þessi frétt vottur um að Recovery Partners séu skuldabréfabraskarar?)

Viðskiptahættir okkar eru með tvennum hætti (1) Áhætturáðgjöf og (2) Öflun lána. Við bjóðum Íslendingum áhætturáðgjöf. http://www.recoverypartners.biz/services/advisory_services.htm

Áætlun okkar um öflun lána beinist einkum að markaðnum í Norður-Ameríku og snertir alls ekki það sem við eruð að gera á Íslandi eða nokkrum öðrum stað en í Norður-Ameríku. Þetta kemur fram með skýrum hætti í Dubai-myndbandinu með Alex Jurshevski á [kanadísku stöðinni] Business News Network. Upplýsingar um starfsemi okkar er að finna á http://www.recoverypartners.biz/services/acquisition.htm

Mikilvægt er að geta þess að í Norður-Ameríku snúast viðskipti með öflun lána um endurreisn fyrirtækja sem hafa orðið gjaldþrota. Í öllum tilvikum eru seljendur lánanna bankar og fjárhagslegir stuðningsaðilar sem hafa glatað tiltrú og ákveðið að draga til baka stuðning við fyrirtæki og starfsmenn þess. Kaupendum lánanna er skylt að taka á sig skuldbindingar gagnvart verslunardómstólum um að þeir hyggist vernda atvinnu manna byggja upp á ný fyrirtæki sem er í erfiðleikum. Ef ekki tekst að sýna fram á þetta veitir dómstóllinn ekki samþykki sitt fyrir því að lánanna sér aflað. Hagnaður myndast þegar tekist hefur að vernda og auka atvinnu manna og ENDURREISA fyrirtækið þannig að það sé farið að skila hagnaði og aðeins þá er heimilt að selja lánið öðrum fjárhagslegum stuðningsaðila. Slíkt er til hagsbóta fyrir starfsmenn og hagkerfið.

Fara fremst í skjalið

Hyggjast Recovery Partners fjárfesta á Íslandi?

Við höfum það alls ekki í huga. Hvorki við né aðrir mundu nokkurn tíma hugleiða að fjárfesta hér í núverandi ástandi. Alex Jurshevski sagði mjög skýrlega í „Silfri Egils“ að ENGINN sé líklegur til að fjárfesta á Íslandi vegna þess að:

Íslenskir stjórnmálamenn verða að sameinast um skuldastýringu og fjárhagsáætlanir
Íslenska hagkerfið er því miður enn í kreppu
Skuldahlutföll og útistandandi lán Íslands hafa aukist stórlega
Verið er að neyða Íslendinga til að gera samning sem er líklegur til að valda vanskilum innan skamms tíma eins og við höfum lýst
Utanaðkomandi stofnanir eru að ná valdi á framtíð Íslands af þessum sökum og ekki endilega til hagsbóta fyrir þjóðina í lengd og bráð
Líklegt er að lánshæfismat Íslands verði fellt niður um flokk ef AGS-samningurinn verður samþykktur

Hvers vegna í ósköpunum mundi nokkur fjárfestir vilja koma hingað og hætta fjármunum sínum? Þetta er ekki rökrétt niðurstaða varðandi ásetning okkar. Recovery Partners segja:

Miðað við fyrri reynslu okkar og brýna þörf fyrir að sýna heiminum nýja ásjónu verða íslenskir stjórnmálamenn að taka höndum saman og koma sér saman um nokkur atriði sem varða almannaheill. Skuldastýring og aðhald í fjármálum eru tvö slík atriði;
Eina markmið okkar er að aðstoða Ísland við að endurhæfa sig í augum utanaðkomandi fjárfesta og matsstofnana og einnig að gera Íslendingum kleift að takast á við þrýsting frá utanaðkomandi aðilum svo að Íslendingum takist að forðast kostnaðarsöm mistök sökum erlends álags;
Við teljum að endurhæfingarpakki okkar sé sveigjanlegri og henti betur þörfum Íslands. Ef mönnum líkar ekki framvinda mála er alltaf hægt að samþykkja AGS-áætlunina. En ef menn velja AGS-kostinn er ekki auðvelt að losna við hann aftur.

Einn mikilvægasti þáttur þessa er að breyta skilningi fjárfesta á því sem er að gerast hér til þess að tryggja að þeir snúi hingað aftur einhvern tíma í framtíðinni. AGS býður ekki upp á þennan kost.

Fara fremst í skjalið

Hvað um samningaviðræður um Icesave?

Samningamenn Íslands um Icesave eru meðal hinna bestu í heimi. Þeim Lee Buchheit og Don Johnston ætti að takast að ná miklu betri samningi en hinum fyrri svo fremi þeir njóti þess sveigjanleika að beita sérfræðiþekkingu sinni og veita ríkisstjórn Íslands hina bestu ráðgjöf í þessum málum.

Recovery Partners sækist alls ekki eftir því að taka þátt í þessum samningaviðræðum.

Lausn Icesave-málsins mun aðeins leiða í ljós stærð nokkurs hluta vandans um skuldastýringu; hún leysir ekki vandann um skuldastýringu. Áætlun okkar er ætlað að taka á lausn skuldastýringarvanda Íslendinga.

Fara fremst í skjalið

Hvers vegna haldið þið því fram að AGS-pakkinn muni valda vandræðum?

AGS-pakkinn hentar ekki aðstæðum Íslendinga. Hann felst í því að „ein lausn henti öllum“.

Ýmsar matsstofnanir hafa áætlað að sjálfgefið lánshæfismat Íslendinga sé BBB-, sem þýðir að mikil hætta er á því að það verði lækkað þegar þeir taka á sig auknar skuldir.

AGS-pakkinn mun einnig hamla getu ykkar til að taka sjálfstæðar ákvarðanir um útgjöld og taka allt fjárveitingavald af ríkisstjórn Íslands og færa það til AGS. Það mun hafa áhrif á allar fjárhagsáætlanir þannig að Íslendingar geti ekki haft fullt vald á þeim. (sjá hlekkina Latvia)

(Grikkir leitast við af öllum mætti að forðast að samþykkja AGS-pakkann, eins og fram hefur komið í fréttum). Sjá bréf AGS um áætlun um Haití undir eftirliti starfsmanna AGS (Haiti’s Staff Monitored Program).

http://www.imf.org/external/np/loi/2003/hti/01/index.htm

Mestu máli skiptir að AGS-pakkinn hefur ekki að geyma neina áhættustýringu eins og okkar pakki gerir. Enn fremur mun verkröðun og tilvist mikils og áberandi gjaldeyrisforða draga að sér spákaupmenn og valda hættu á hruni áætlunarinnar sökum utanaðkomandi söluþrýstings á gengið af völdum vogunarsjóða þegar gjaldeyrishöft hafa verið afnumin. Enn fremur eru engir varnaglar varðandi skuldastýringu og þróun skuldastýringar.

Fara fremst í skjalið

Teljið þið að Íslendingar eigi að losa sig við AGS?

Alls ekki.

Í áætlun okkar er lögð áhersla á samvinnu og uppbyggileg boðskipti við alla aðila. Við viljum ekki losna við neinn.

Íslendingar verða að hefja aftur viðræður á breyttum grundvelli við AGS og utanaðkomandi gagnaðila og beita þekkingu okkar á því hvernig stofnunin starfar. Þetta er meginatriðið í nálguninni, sem Recovery Partners mæla með.

Í þessu sambandi vekjum við athygli á því að ríkisstjórn Grikklands hefur nýlega tilkynnt að hún mun leitast við að hafna AGS-pakkanum en fylgja þess í stað svipaðri áætlun.

Við höfum haldið því fram, að AGS-áætlunin, sem gerir ráð fyrir að ein aðferð hæfi öllum, henti ekki öllum löndum. Við höfum vakið athygli á því að Lettland hefur orðið fyrir áföllum. Ríkisstjórn þess féll í síðustu viku.

Fara fremst í skjalið

Í „Silfri Egils“ sagði Alex Jurshevski að Ísland væri „á rauðu svæði“. Hvað merkir það?

Þetta þýðir að hlutfallið milli skulda og vergrar landsframleiðslu er mjög hátt, sem bendir til þess að lönd séu í efnahagskeppu. Vakin er athygli á því að í töflunni eru mörg Evrópuríki og að í mörgum ríkjum í efnahagskreppu er hlutfallið milli skulda og vergrar landsframleiðslu miklu lægra en hér. Í Lettlandi er það 32% og þar ríkir enn kreppa.

Þetta eru þær stærðir, sem fjárfestar á markaðnum horfa á þegar þeir meta lánshæfni ríkja og það hversu ráðlegt er að fjárfesta í tilteknum löndum. Það þjónar ekki hagsmunum Íslands gagnvart alþjóðlegum fjármálamarkaði og eykur ekki tiltrú á landinu, að stjórnvöld og stjórnkerfið sendi frá sér fréttatilkynningar, sem mótmæla þessum viðurkenndum stærðum, eða þegar embættismenn og ráðherrar halda því fram, að Ísland srtíði ekki við skuldavanda.

Heimild: 2010 CIA World Factbook (https://www.cia.gov/library/publications/the-world-factbook/)

Unnt er að lesa um það sem gerðist í Lettlandi eftir upptöku AGS-áætlunarinnar á Internetinu:

http://www.bloomberg.com/apps/news?pid=20601085&sid=amKL5KVOP9OA

http://www.bloomberg.com/apps/news?pid=20601087&sid=a5ESfHtBFJWg

http://online.wsj.com/article/SB125535344693580209.html

Hér eru nokkrir tengiliðir sem unnt er að hringja til í Lettlandi

Atis Slakteris
Ráðherra
Fjármálaráðuneyti Lettlands
+371 709 5406

Diana Berzina
Fjármálaráðuneyti Lettlands
Deildarstjóri
+371 708 3867

Andzs Ubelis
Fjármálaráðuneyti Lettlands
Staðgengill ráðuneytisstjóra
+371 709 5565

Maris Kalis
Seðlabankastjóri
Seðlabanki Lettlands
+371 702 2268

Fara fremst í skjalið

Hvernig geta Íslendingar losnað úr þessum vanda án lántöku?

Í fyrsta lagi er svarið þetta:

Ekki er um að ræða neitt fjármagn til efnahagslegrar endurreisnar á Íslandi í tengslum við samþykkt AGS-áætlunarinnar. Áætlunin býður aðeins það sem hér segir:

ü Fjármagnsflótta úr ríkissjóði til að greiða aflandsstofnunum vexti;

ü Lán nýtast ekki til þróunar og endurreisnar heldur til að greiða erlendum hagsmunaaðilum sem vilja líklega losa sig við Jöklabréfin á kostnað íslenskra skattgreiðenda;

ü Verulega hættu á atlögu spákaupmanna gegn gjaldmiðlinum um leið og gjaldeyrishöftin verða afnumin;

ü Lækkun á lánshæfismati er afar líkleg;

ü Hlutfall á milli skuldar og vergrar landsframleiðslu sem en 2 ½ sinnum meðaltalið í heiminum, sem, ásamt núverandi skuldastöðu, gerir ríkisgjaldþrot mjög líkleg.

Recovery Partners telja að Ísland búi yfir nægum auðlindum til að gera endurreisn og endurnýjun mögulega ef þeim er beitt og dreift af kostgæfni. Slíkt mun taka tíma og útheimta fjárhagslegt aðhald og þolinmæði á meðan öðrum þáttum stefnunnar er hrundið í framkvæmd – stefnu um bestu starfshætti við skuldastýringu, aðhald í gerð fjárlaga, endurnýjuðum aðferðum við öflun fjárfestinga og yfirvegun í samskiptum við aflandsstofnanir og AGS.

Engin ástæða er til að steypa sér í aðra kreppu, sem skattgreiðendur eiga að greiða fyrir, áður en ígrundaðir eru þeir kostir sem Recovery Partners setja fram.

Fara fremst í skjalið

Til hvaða ráða verða Íslendingar að grípa til að bæta skuldastýringu sína?

ü Íslendingar verða að taka á nokkrum þáttum. Á grundvelli okkar reynslu leggjum við til að samningar verði gerðir um (1) grundvallarmikilvægi bestu aðferða við skuldastýringu og (2) strangt eftirlit með fjárlögum ríkisins í því skyni að koma nokkurn veginn til móts við það sem AGS hefur áskilið (en án AGS). Þetta er frumskilyrði til að endurskoða nálgunina til AGS og hlúa að tengslum við fjárfesta og matsstofnanir.

ü Núverandi skipulag stofnana hentar ekki fyrir lausn þeirra vandamála sem framundan eru. Því verður að breyta.

ü Skipulag skuldastofnunar mun taka 1-2 ár.

ü Þetta útheimtir stofnun nýs aðila sem heyrir undir fjármálaráðherra.

ü Mannafli mundi koma frá Seðlabankanum og fjármálaráðuneytinu. Þessir starfsmenn búa að reynslu en líklegt er að þeir þarfnist utanaðkomandi aðstoðar úr bönkunum til þess að koma á skipulagi um bestu starfshætti.

ü Allt framkvæmdavald verður ávallt í höndum Íslendinga.

ü Hlutverk Recovery Partners felst í áætlanagerð, skipulagningu og þjálfun, samstarfi við fjármálaráðuneytið, Seðlabankann og utanaðkomandi stofnanir.

ü Hvað varðar endurupptöku og endurstillingu samningaviðræðna munu Recovery Partners veita verulegan stuðning og aðstoð með tengslum sínum á æðstu stöðum og þekkingu á þessum vettvangi. Við leggjum til að nálgun að hætti Lundúnaklúbbsins (London Club) sé heppilegust.

Fara fremst í skjalið

Hvers vegna haldið þið því fram að gengisbreyting sé varasöm og að lán í erlendum gjaldeyri hafa hættu í för með sér?

(1) Sagan sýnir að seðlabankar standa sig ekki vel í viðskiptum, svo að ef vogunarsjóðir gera atlögu að seðlabanka sökum þess að þeir telja hann veikan fyrir, þá tekst þeim að tæma gjaldeyrisvarasjóði hvaða seðlabanka sem er. Sjá auðkennd svæði frá Wikipedia hér að neðan.

http://en.wikipedia.org/wiki/Foreign_exchange_market

„Seðlabankar

Samt sem áður er virkni seðlabanka til að „ná valdi á spákaupmennsku“ vafasöm vegna þess að seðlabankar verða ekki gjaldþrota þótt þeir verði fyrir miklum töpum, eins og kemur fyrir aðra viðskiptaaðila, og engin áþreifanleg dæmi eru um að þeir hagnist á viðskiptum.

Seðlabankar ná ekki alltaf markmiðum sínum. Sameinuð öfl markaðarins geta auðveldlega yfirbugað hvaða seðlabanka sem er. [7] Ýmis dæmi má sjá um þetta 1992-93 við fall gengissamstarfs Evrópu (ERM) og nýlega í Suðaustur-Asíu.

Vogunarsjóðir og spákaupmenn

. Vogunarsjóðir hafa getið sér orð fyrir ágenga spákaupmennsku með gjaldeyri síðan 1996. Þeir hafa undir höndum milljarða dollara í eigin fé og geta tekið milljarða að láni að auki. Þannig geta þeir yfirbugað íhlutun seðlabanka til að styðja við hvaða gjaldeyri sem er ef forsendur eru vogunarsjóðunum í hag.“

(2) Íslensk heimili hafa kynnst því rækilega hve mikil hætta er fólgin í því að taka lán í erlendum gjaldeyri. Reynslan að undanförnu hefur sýnt fram á að kostnaður við afborganir og vexti af lánum og greiðslutíminn getur breyst verulega ef óhagstæðar breytingar verða á gengi gjaldmiðla. Rannsókn, sem Alex Jurshevski gerði fyrir ríkisstjórn Nýja Sjálands, leiddi í ljós að meira en 70% af endanlegum kostnaði gjaldeyrislána tengist vali á gjaldmiðlum en EKKI vaxtastigi. Þetta olli því að ríkisstjórnin ákvað að afskrifa erlendar skuldir. Skuldahlutföll Nýja Sjálands eru enn innan þeirra marka sem tiltekin voru í rannsókninni. Ekki er lengur um að ræða skuldir í erlendum gjaldeyri og lánshæfismatið er orðið AAA á ný.

Fara fremst í skjalið

Útskýrðu á ný hvers vegna þú sagðir í „Silfri Egils“ að fjárfestar okkar væru „horfnir“?

Ísland hefur glatað lánshæfismatinu AAA.

BBB-lánshæfismat Íslands er „undir fjárfestingarhæfi“. Það þýðir að þeir fjárfestar, sem voru hér þegar lánshæfismatið var AAA, geta ekki lengur fjárfest í BBB-skuldum Íslands. Reyndar verða slíkir fjárfestar að reyna að losna undan skuldum Íslands vegna þess að viðmiðunarreglur þeirra eru mjög íhaldssamar.

http://www.ecb.int/paym/coll/elisss/ratingscale/html/index.en.html

Ykkur er ekki skylt að fallast á þetta samkvæmt skilyrðum þeirra. Samkvæmt fordæmisrétti og lögum Evrópusambandsins á fjárfestir engan beinan endurkröfurétt á hendur skuldara varðandi fjárfestingu sína ef ekki er um að ræða „vanskil“. Fjárfestum, sem eiga skuld ykkar, er skylt að reyna að losna við þær með viðskiptum á markaði. Ykkur er ekki skylt að greiða skuldina áður en hún fellur í gjalddaga og sannarlega ekki í evrum ef skuldin er í krónum.

Af þessari ástæðu leggja Recovery Partners áherslu á nálgast nýja fjárfesta með því að koma á jafnvægi, svo sem með því að koma á fót skuldastofnun, ganga frá Icesave-málinu og gera svipaðar ráðstafanir. Við erum reiðubúnir að veita aðstoð við þetta.

Fara fremst í skjalið

Í hverju er áætlun Recovery Partners fólgin í samanburði við AGS-kostinn?

Áætlun Recovery Partners mun:

ü Koma stöðugleika á og bæta skuldastýringu Íslands við þær hættulegu aðstæður, sem nú eru

ü Hanna og útfæra viðmiðanir, mörk, reglur, ábyrgðarskyldu og tilhögun skýrslugerðar til kjörinna embættismanna varðandi stýringu eignasafna í bráð og í lengd

ü Aðstoða við endurmarkaðssetningu Íslands hjá nýjum hópi fjárfesta og matsstofnunum

ü Stuðla að sérhannaðri lausn til að koma efnahag Íslands aftur á sjálfstæða og sjálfbæra braut.

Fara fremst í skjalið

Hvernig munu Recovery Partners rukka fyrir þessa þjónustu?

Gjaldtaka okkar miðast við unnin störf og árangur. Þóknun okkar er mjög háð hinni árangurstengdu þóknun, þ.e.a.s. að árangur Recovery Partners er háður því að áætlanir komi Íslandi að gagni. Við samsömum ávallt hagsmuni okkar hagsmunum umbjóðenda okkar.

Fara fremst í skjalið

Þeir starfsmenn Recovery Partners, sem kæmu að verkefni á Íslandi.

Dr Grant Reuber OC
Stjórnarformaður

Dr. Reuber á að baki langan og árangursríkan feril í háskólakennslu, stjórnmálum og bankaviðskiptum. Hann var forstjóri og varaformaður stjórnar Bank of Montreal. Hann hafði áður starfað sem aðstoðarfjármálaráðherra Kanada. Áður en hann hafði afskipti af stjórnmálum var hann prófessor í hagfræði við Háskólann í Vestur-Ontario. Hann varð síðar forseti hagfræðideildarinnar og heiðursrektor við skólann. Dr. Reuber hefur verið stjórnarformaður Innistæðutryggingasjóðs Kanada. Menntun sína hlaut Dr. Reuber í Háskólanum í Vestur-Ontario, Harvard háskóla í Bandaríkjunum og Cambridge. Hann hefur hlotið heiðursgráður frá fjórum virtum háskólum. Dr. Reuber hefur hlotið næst æðsta stig heiðursmerkisins „Order of Canada“, sem líkja má við íslensku fálkaorðuna, auk þess, sem hann er maðlimur í „Royal Society of Canada“.

Alex Jurshevski
Forstjóri

Alex var áður framkvæmdastjóri hjá Bankers Trust og yfirmaður áhætturáðgjafar fyrir Vestur- og Austur-Evrópu. Áður hafði hann starfað í fjárfestingabankaarmi Nomura bankans, verið í stjórnunarteymi NIplc fyrir Evrópu og stýrt verðbréfamiðlun fyrir þróunarlönd. Snemma á tíunda áratugnum réð ríkisstjórn Nýja Sjálands Alex til ráðgjafar við endurskipulagningu á skuldum ríkisins. Þar kom hann einnig að endurskipulagningu heilbrigðiskerfisins og orkuveitu landsins. Alex starfaði með sendinefndum Nýja Sjálands hjá Alþjóðagjaldeyrissjóðnum og Asíska þróunarbankanum. Hann hefur komið að ráðgjöf fyrir skuldsettar ríkisstjórnir m.a. á vettvangi Alþjóðabankans. Hann hefur stýrt stjórnum fjölmargra góðgerðarfyrirtækja og stofnana. Meðal góðgerða- og sjálfboðaliðastarfs, sem Alex hefur með höndum nú, er stjórnarseta í Canada Company, sem styður við bakið á kanadískum hermönnum, sem stunda skyldustörf á erlendri grundu og sjálfboðaliðsvinna fyrir sjóð, sem safnar fé til rannsókna á Alzheimer sjúkdómnum.

Gerry Soucie
Framkvæmdastjóri

Gerry hefur tæoplega 40 ára starfsreynslu hjá CIBC bankanum í Toronto. Hann hefur komið mest að útlánamálum og hefur mikla reynslu við að takast á við skuldavanda viðskiptavina og skert lánshæfi.

David Fine
Forstöðumaður

David hefur mikla reynslu af endurskipulagningu skulda og hefur stýrt eignasöfnum, með lánum illa staddra fyrirtækja. Hann er með MPA gráðu frá Princeton háskóla í Bandaríkjunum og MBA gráðu frá Háskólanum í Vestur-Ontario.

Fara fremst í skjalið

Vert er að benda á

Eins og margir vita höfum við komið nýlega fram í fjölmiðlum og átt fundi með embættismönnum, ríkisstjórninni, aðilum úr einkageiranum, og almennum borgurum. ...Við höfum rætt við tvær fastanefndir Alþingis um hvernig Recovery Partners geta hugsanlega aðstoðað við að bæta skuldastöðu íslenska ríkisins

Tilgangur okkar með þessum fundum hefur verið skýr og skoðanaskipti hafa haft gagnkvæmt upplýsingagildi og viðræður verið upplýsandi, kurteisar og hreinskilnar.. Íslenska þjóðin stendur frammi fyrir miklum vanda og því teljum við, sem sérfræðingar á sviði áhættustýringar og stjórnunar ríkisskulda, þörf á að vera stundum hreinskilnir og benda á að þörf er brýnna aðgerða vegna þess aðstæðurnar kalla á skjót viðbrögð..

Af einhverjum ástæðum hafa sumir fjölmiðlar og bloggarar gefið ónákvæma mynd af Recovery Partners. Þessu bréfi er ætlað að leiðrétta sumar af þessum óheppilegu og óviljandi rangfærslum. Við hefðum kosið að vinna í kyrrþey, en vegna þess, hve gagnrýnin á Recovery Partners hefur verið byggð á rangfærslum, hafa ráðgjafar okkar ráðlagt okkur að birta opinberlega útskýringu á því í hvaða tilgangi við erum komin hingað til lands.

Við viljum einnig gefa nokkra skýringu á ásetningi Recovery Partners við núverandi aðstæður fyrir þá, sem sem e.t.v. horfðu ekki á Silfur um síðustu helgi.

Það sem Recovery Partners er ekki:

ü Recovery Partners er ekki sjóður sem leitast við að hagnast á kostnað fyrirtækja eða þjóða í vanda;

ü Recovery Partners ráðleggur ekki ríkisstjórnum um útgjaldastefnu eða einkavæðingu;

ü Recovery Partners er ekki við þessar aðstæður að leita eftir fjárfestingamöguleikum fyrir sig sjálft, né heldur mun gera það í framtíðinni hvað snertir Ísland eða íslenska hagsmuni.

Það sem Recovery Partners er:

ü Recovery Partners er fyrirtæki sérfræðinga með mjög mikla reynslu sem fjallar um stjórnun ríkisskulda og áhættustýringu. Við höfum reynslu af öllu því sem við höfum kynnt hinum ýmsu ofangreindu aðilum;

ü Recovery Partners býður svipaða ráðgjafarþjónustu til að aðstoða fyrirtæki í vanda við að koma á endurskipulagningu;

ü Recovery Partners samsamar ávallt faglega hagsmuni sína hagsmunum umbjóðenda sinna og hefur af því mikla reynslu;

ü Recovery Partners hefur verið útnefnt „Eitt besta ráðgjafarfyrirtækið“ af Euromoney, leiðandi tímariti á sviði fjármála, m.a. vegna þess sem að framan greinir;

ü Sjá www.recoverypartners.biz

Við erum ekki komnir hingað til að veita ríkisstjórninni ráð um einkavæðingu eða tengd mál.

Recovery Partners telur einnig að ef ríkisstjórnin vill í raun taka á sig skuldir þá sé það kostur sem ríkisstjórnin og kjörnir fulltrúar þjóðarinnar velja.

Hins vegar telja Recovery Partners að um sé að ræða nokkra kosti sem ríkisstjórnin kann að vilja skoða og það höfum við verið að ræða við hina ýmsu ofangreindu aðila.

Það eru fleiri kostir í stöðunni en sá eini, sem lagður hefur verið fyrir Ísland af utanaðkomandi aðilum; valkosti sem eru þessi virði að þeir séu íhugaðir af alvöru vegna þess að þeir munu ná fram markmiðum ríkisstjórnarinnar með minni kostnaði, minni áhættu og án þess glata fullveldi eða sjálfstæði. Lausn AGS felur að okkar mati í sér ákaflega mikla áhættu, er afar kostnaðarsöm og gefur nánast engan kost á, nýju fjármagni, sem unnt væri að nýta til endurreisnar á efnahag Íslands. Þessi áhætta og kostnaður felur í sér verulega aukningu á skuldsetningu og útilokar fjárhagslegt samstarf Íslands við alla aðila aðra en AGS.

Recovery Partners telur að AGS hafi bitið sig í eina fastákveðna aðferðafræði til að takast á við ríkisskuldir á undanförnum árum. Þessi nálgun hentar ekki Íslandi við núverandi aðstæður og af þeirri ástæðu þarfnast Ísland sérsniðinna aðgerða, sem taka mið af helstu atriðum kostnaðar og áhættu og tryggja framtíð með sjálfbærum vexti og efnahagslegri endurreisn, samhliða því að draga sem mest úr skuldaklafanum og viðhalda sveigjanleika um stefnumótun og útgjöld í höndum kjörinna fulltrúa íslensku þjóðarinnar.

Lausn Recovery Partners leggur áherslu á að öll ákvarðanataka eigi að vera og verði ávallt í höndum Íslendinga sjálfra. Hlutverk Recovery Partners mundi verða sem skipuleggjandi og þjálfari við að koma á skipulagi og stefnu bestu aðferðar við skuldastýringu og endurnýjuð, uppbyggjandi og þróttmeiri samskipti við AGS, fjárfesta og aðra utanaðkomandi aðila sem hafa nána samvinnu við fjármálaráðuneytið, Seðlabankann og ríkisstjórnina á öllum stigum málsins.

Komið hefur fram í einu dagblaði hér að Recovery Partners séu að reyna að stuðla að skelfingu og fá ríkisstjórnina til að taka vanhugsaða ákvörðun. Þetta er alveg þveröfugt við það sem við erum að boða og sögðum í „Silfri Egils“ undir lok þáttarins í síðustu viku. Við boðum að menn haldi ró sinni og þurfi að skoða betur það sem er í boði fyrir Ísland. Það gengur ekki að flana að neinum samningi án vandlegrar íhugunar. Við teljum að þau málefni sem við komum á framfæri við þingnefndirnar séu þess virði að farið verði að ráðleggingum okkar.

Þetta er það eina, sem við viljum bjóða ríkisstjórninni og íslensku þjóðinni – þennan valkost

Með þakklæti

Alex Jurshevski
Managing Partner

Þetta bréf hefur verið sent til allra helstu fjölmiðla á Íslandi